Gre an Yeth Kernewek

Gre an Yeth Kernewek re beu krevhes der aswonvos yn-dann an Chartour Europek rag Yethow Ranndiryel po Le-usys ha'n Akodryans Framweyth rag Difresyans a Vinorytys Kenedhlek.

Dhe vis Du 2002, wosa kaskyrgh a seyth bledhen war’n ugens gans bagasow kernewek hag awtoritys teythyek, governans an Ruvaneth Unys a ragnotyas Kernewek yn-dann Rann II a’n Chartour Konsel Europa rag Yethow Ranndiryel po Le-usys.

Yn-dann ambosow an Chartour, yth yw komyttys an governans dhe ‘selya y bolicis, lagha ha praktis’ war rol a naw amkan ha pennrewl a wra, rag ensampel, derivas aswonvos a Gernewek avel menegyans a rychys gonisogethek ha skoodhya gwrians krev rag avonsya an yeth. An vosva a Gernewek avel arwodh a dhiblanseth ranndiryel o tra bosek dredhi may kevis Kernow studh Amkan 1.

Ytho, y’n lownow a artys ha tornyaseth – avonsyans an yeth a yll bos devnydhys rag ri bri geworransel erbysiethek ha gonisogethek.

Y hyllir synsi ena arwodhyans po kevrennow nessa yntra tornyaseth ha’n yeth rag kennertha an omglewans bos Kernow ‘dyffrans’.

An dus kernewek a veu aswonys gans Governans an RU avel Minoryta Kenedhlek yn-dann an Kuntelles Framweyth rag Difresyans a Vinorytys Kenedhlek yn 2014.  Settys yw gre minoryta kenedhlek war lies tra y’ga mysk gonisogeth, istori, yeth ha sport.

Aswonnvos yn-dann an Kuntelles Framweyth a skoodh agan tus dhe omaswon gwell gans aga honanieth wonisogeth aga honan ha kenertha studhow may hyll tus kernewek  omglewes gordhys ha talvesys yn settyansow kowethasek, oberi ha sodhogel.

Yma bagas oberi dhe Gonsel Kernow ow hwithra ambosow an Framweyth, y’ga mysk rag an yeth.

Gwelewgh towlen bagas Oberi Minoryta Kernewek dhe Gonsel Kernow.