Information about Covid19:
Please read our information on how we are supporting residents and businesses, as well as information on affected services.

Sywyansow Hwithrans

Ottomma'n sewyansow a hwithrans yw gwrys a-dro dhe studh lemmyn a’n yeth Kernewek.

Dres lies bledhen re glewsyn profys lies myns dyffrans a gewsoryon hag a dhevnydhyoryon a Gernewek, byttegyns re beu boghes a gedhlow may hyllir selya warnedha an dismygrivow.

Rag may hyllyn towlenna yn effeythus rag an termyn a-dheu ha musura avonsyans, y prederis y vos posek ni dhe gonvedhes, gwella gyllyn, an pyth yw an savla hedhyw.

Rag an reson an, Keskowethyans an Taves Kernewek a dhallethas govynnek yn 2007 gans medrans dhe gavos pubhuni neb a wrug godhvos po usya tamm Kernewek.  Tybyans o dhe nowydhhe an rivow y’n termyn a-dheu rag sewya an avonsyans.

Formow an govynnek o dielvennys gans den skiansek anserghek hag yma an derivas a-woles.

Ny yll govynnek a’n par ma bos olldhalghus po kewar yn tien, drefen y vos selys war omassayans ha war gomendyans ha war argemynnyans dhe dhrehedhes an dus nag yw kelmys dhe vagasow po synsys yn selyow-manylyon.  Surredi, nyns usi pubhuni neb a wor tamm a Gernewek ynno.  Byttegyns, dhe’n lyha y re dhyn skeusen well a-dro dhe studh an yeth ages kyns hag y hwra gweres gans towlenna y’n termyn a dheu.

Hemm yw derivas an studhyans akademek anserghek a Gernewek, hag a veu komposys a-barth Sodhva Wovernans an Soth West (SWSW).

An hwithrans a veu komposys gans Ken McKinnon yntra mis Genver ha mis Meurth 2000.

Yn mis Du 2013 yth esa govynador berr synsys rag diskudha omdhalghow a-dro dhe’n taves Kernewek.

Yn mis Du 2013 yth esa govynnader berr synsys adro dhe bobel usi ow kul devnydh dhe dhrehevel war agan poll diwettha yn 2007. Y hyllir redya an derivas omma.