Information about Covid19:
Please read our information on how we are supporting residents and businesses, as well as information on affected services.

Furv Skrifys Savonek

Kepar ha lies yeth byghanna dres an bys, Kernewek a’n jeves moy es unn system lytherennans yn usyans.

Leverys yn sempel, an fentynyow skrifys eus genen a omles nebes kansbledhynyow ha dastewynnya termynyow dyffrans yn bewnans an yeth. Yn unn dhasvewa Kernewek, systemow lytherennans a veu devnydhys dres prysyow divers hag a dhastewynnya prederow dyffrans y’n maner y koodh dhyn y’n gwella fordh gul devnydh an eretons ma dhe dhri Kernewek yn-rag y’n termyn a dheu. Systemow a veu selys war po dedhyow kosten arbennek yn istori an yeth po hwilys dhe gompeshe an keskowethyans ynter lytherennans ha leveryans.

Kynth o bosva a furvow dyffrans trubyt dhe vewder omsav an yeth, gans sel yeth byghan y provas ynwedh let rag displegyans, kyns oll yn adhyskans ha bewnans poblek. Kepar ha lies yeth byghan aral, kressyans yn usadow poblek an yeth yn unn sewya aswonnvos sodhogel a styryas bos edhom dhe dhyghtya an kudyn.

Keskowethyans an Yeth Kernewek raghenna a fondyas argerdh mayth ylli pub huni ri aga thybyansow ha’n pyth a omvyskas konnek a-ves yn furv a Dhesedhek a towlenoryon a vri yn yethow, neb a dhros prevyans dhyworth kemyniethow yeth erel dhe’n dadhel.

Keskusulyans hag a veu synsys mis Gwynngala 2006, a hwithras sel an furvow dyffrans hag y hyllir drehedhes paperyow dhyworth hemma war an wiasva ma. Ken keskussulyans a veu synsys mis Hedra 2007 may hwrug an Desedhek profya aga throvyansow ha komendya nesheans kesakordyans dhe fondya an Furv Skrifys Savonek, yn le a dhewis onan an furvow esa yn few. Y hyllir iskarga yn leun a-woles derivas an Desedhek, kepar del veu va profys orth an keskussulyans.

An Desedhek a gomendyas bos furvys bagas devnydhoryon dhe gollenwel an ober manylys, hembrenkys gans Dr. Trond Trosterud. An bagas ma a omvetyas nebes prysyow hag akordyans rag Furv Skrifys Savonek a veu kevys. An akordyans ma a veu treylys yn skrifen ragnotyans gans Ben Bruch hag Albert Bock, an pyth y yllir iskarga a-woles po govyn avel dasskrif kales. Hemma a veu fasthes gans an Keskowethyans an 9ves a vis Me 2008.

An Furv Savonek yw dres oll rag usadow sodhogel ha rag adhyskans formel ha tus unnik a wra pesya devnydhya gans surneth an furvow mayth omgevons an moyha attes yn bewnans privedh. An ervirans a wra, byttegyns, gasa bos gwrys avonsyans brassa yn displegyans a usadow a Gernewek yn bewnans poblek. Daswel a vydh synsys yn 2013, pan vo possybyl dhe arvreusi avonsyans dres an pymp bledhen re dremensa.

Kesva Daswel an FSS re gollenwis aga derivas diwettha ha’n Keskowethyans re dhegemeras an komendyansow ynno.

Neppyth yw meur dhe les gans gerlyver warlinen yw an chons dhe ynkressya hag amendya geryow gans es.  An gerlyver servadow re beu hwithrys yn town gans eseli Kesva an Gerlyver hag ynwedh gans eseli Bagas Korf, neb re ros lies keworrans hag aspiansow a vern.  Mes y fia da gans an Gesva degemeres notennow ha kampollow moy dhyworth Kernewegoryon. An kampollow ma a dal bos danvenys orth an sodhva y’n kynsa le may hallons i bos keskorrys ha danvenys yn rag. Y fydh form kampolla stegys dhe’n gerlyver warlinen rag gweres an kussulyans. Govenek a’n beus gwellhe ha nowydhhe an gerlyver, ha synsi termow nowydh pan vons unverhes.

Res yw dhyn ri grassow meur dhe bubonan a wrug kemeres rann y’n ragdres bys dhe lemmyn ha dres oll dhe Albert Bock rag y ober prederus avel Pennskrifer.